اسطورت تريفيان

المساهمات : 24 تاريخ التسجيل : 20/04/2008 العمر : 38

[color=red][size=24][color=red][size=24]يحكى انه في العصور القديمه من عالم ترافيان ان هناك قبائل تسمى قبائل الناتارس (NATARS) وهذه القبائل قويه جدا جدا. وفي تلك العصور القديمه كانت هذه القبائل مسيطره على العالم وكانوا مستعبدين الرومان والاغريق والجرمان.. اختفت هذه القبائل وابقت ورائها الكثير من الاسرار الدفينه والغموض والخرافات والشائعات. ويقال انهم سيظهرون مره اخرى ليسيطروا على العالم ويجعلوا القبائل الاخرى عبيدا لهم. ولكن لا احد يعلم متى واين وكيف!! ويقال انهم سيعودون ليبنوا مبناهم الخارق المسمى معجزة العالم الذي باتمام بنائه يمتلكون العالم مره اخرى، وانتظارا لهم تقوم القبائل الاخرى بالاستعداد وتكوين الجيوش والتحالفات ليتعاونوا ويكونوا يدا واحده ضد هذه القبائل المعتديه. لكن التصدي للناتارس لن يكون سهلا حيث ان قراهم تكون محصنه تحصينا مكثفا ولن يتغلب عليها ويتمكن من الاستيلاء عليها الا من يمتلك القوه الكافيه وجيش جرار قوي جدا جدا..
ومن يستولي على احد الاراضي (حسب الموقع الرسمي عددها 9) التابعه للناتارس يبدأ ببناء المعجزه واول حلف يتم بنائها ويوصلها الى مستوى 100 يفوز باللعبه ويمتلك عالم ترافيان وتصير جميع الاحلاف تابعه له ويخلد اسمه في تاريخ ترافيان لتتذكره الاجيال القادمه...

اترككم مع هذا المقطع اللي فيه نهاية اللعبه ركزوا على التعزيزات وانتاج القمح وهجمات الناتارس.

https://www.youtube.com/watch?v=kSsvePeTBlU

طبعا بعد ما تشوفونه بيطلع في راس الواحد الكثير من التساؤلات ممكن تلقون اجابتها في الاسئله التاليه،،،

س/متى يهجمون الناتارس على اللي يبنون المعجزه؟

ج/بعد احتلال وحده من اراضي الناتارس وبدء بناء معجزة العالم القبائل بتهجم مع كل 5 مستويات تتطور. ولما توصل مستوى 95 بيصيرون يهجمون مع كل مستوى.

س/ كيف نعرف ان فيه احد احتل معجزة العالم وكيف نلقى اراضي الناتارس الدفينه؟

ج/ في الاحصائيات بيزيد عندنا خيار WW (يخلونه معجزة العالم في السيرفر العربي) فيه نلقى من اللي عندهم المعجزه وفي اي مستوى. وعشان نبني معجزة العالم ونكتشف اراضيها لازم يكون عندنا غرفة الكنز، ولازم تكون في المستوى10 لبناء المعجزه.

س/ متى نتوقع تظهر المعجزه وهل في احتمال اننا نفوز؟؟

ج/ في العاده تظهر بعد 10 شهور - 14 شهر بحسب السيرفر وحسب نسبه الاراضي المملوكه الى الاراضي الفاضيه. يعني ما لها مده محدده ولكن اصحاب اللعبه يقررون متى يحطونهم بحسب تقييمهم للمسوى ولكن زي ما قلت في العاده حوالي السنه تكون فتره كافيه للاستعداد لمجابهة القبائل وعلى العموم سوف يعلن عن اقتراب ظهورهم قبله بفتره. وقبل الظهور بايام معدوده سوف يعلن اليوم اللي بيظهرون فيه بالتحديد.
مع العلم ان السيرفر هذا بحسب علمي بدأ في 30/08/2007
يعني اقدر اقول باقي على الاقل 3 شهور اذا موب اكثر بعد. مع ان فيه اشاعات تقول انها قربت وخلاص بتطلع بعد كم يوم ودورت في المنتدى الرسمي وما لقيت شيء غير انهم قالوا انها بتطلع في يوم 22/02/2008 في السيرفر الثاني (الامريكي). وفيه احتمال ان الناس فهموا غلط وراحوا ينشرون الاشاعه بدون ما احد يتأكد.

س/كم تحتاج المعجزه من موارد ووقت عشان يتم تطويرها الى مستوى 100؟
بالنسبه للوقت اقل وقت ممكن لبنائها هو 1221 ساعه و24 دقيقه و30 ثانيه هذا لو انه اول ما تنتهي يبني لحظه بلحظه يعني تقريبا 50 يوم.
وبالنسبه للتكاليف تلونها في الرابط التالي:

http://help.travian.com/index.php?type=faq&mod=508

س/هل فيه اشاء ثانيه وكنوز في اللعبه غيز سالفه المعجزه؟

ج/ نعم فيه 24 تحفه كل مهنا تعطي وحده من القدرات الخاصه التاليه:

تضاعف سرعة الجيوش
تضاعف قوه المباني 5 اضعاف
تقلل استهلاك الجيوش للقمح الى النصف
تضاعف قدره حمل التجار
تحسن اداء الجواسيس 5 اضعاف ويصير الواحد عن 5

من وجهة نظري بيكون فيه فرق كبير بيننا وبين السيرفرات الاجنبيه،، السيرفرات الاجنبيه ما يكون عندهم هجمات كثيره وحروب اثناء اللعب ثم في النهايه كثير منهم يتعاونون مع الحلف اللي قرب يخلص من اكمال المعجزه ويدعمونه عشان تنتهي اللعبه.. لكن هنا الوضع غير واتوقع ان الكل بيهجمون على اللي عنده المعجزه عشان يدمرونه وقليل جدا اللي بيساعدونه.. وهذا لان كل حلف وده يكون الفائز ..وهذا من وجهة نظري بيعطي طعم للعبه ويزيد متعتها في حال صار توقعي وان الكل يهجمون على الحلف اللي عنده المعجزه والله اعلم.

هذا باختصار اللي عندي واسف على تأخري في طرح الموضوع...
كلما دخلتها من بدري كلما زاد احتمال انك تكون اقوى واكبر.. يعني واحد داخل من بدايتها اكيد ما يقارن بواحد له شهر او شهرين... طبعا هذا ما يعني ان اللي دخل متأخر ما يقدر يلحق عمره. هذا ممكن كل واحد منكم لو يشوف نفسه لما بدا وش كان ترتيبه والحين وش ترتيبه يلاحظ انه سبق الاف داخلين قبله وهذا كله يصير بالاجتهاد والتطوير والتفكير السليم والاستراتيجيه الصحيحه.. هذي اللعبه تحتاج ذكاء وحنكه مثلا الواحد ممكن يتحارب مع واحد اقوى منه ولكن يفوز عليه بسبب التكتيك السليم والتخطيط وبعض الاحيان الواحد ممكن يستفيد من قوه خصمه. وشيء مهم ودايم اقوله، لا يغركم السكان صحيح انه يعطي هيبه ولكنه موب دليل على القوه.
الواحد ممكن يكبر ويقفز قفزات بسكانه بالسيطره على قرى لاعبين ثانين باستخدام الحكيم (الرومان) او الرئيس(الاغريق) او الزعيم(الجرمان). وكثيرين قفزوا الى مراكز عليا بهالطريقه
ودمتم بود

المساهمات : 84 تاريخ التسجيل : 16/04/2008

وش هالجمال والإبداع

أنت رهيييييييييييييييييييييييييييييييييب

اتحفتنابهالمعلومات القيمة يالغالي

المساهمات : 24 تاريخ التسجيل : 20/04/2008 العمر : 38

ياخوي على هونك علي ترا ماتحمل

بعدين مهما ابدعت ماتعلا العين على الحاجب
Smile

وش اقول بس؟؟!!!
ملك king

ملك

مشكووووور جداا على المعلومات الرائعة هذي
ونتمنى منك المزيد
ومشكووور على التفاعل انت والنايف السابع

المساهمات : 18 تاريخ التسجيل : 15/04/2008 العمر : 31

مشكوووووووووووووووووووووووووووووووووووووووووووووووووووووووووووور

Cool

المساهمات : 3 تاريخ التسجيل : 13/06/2008

احس جاني هبوط في الدم
وجاني تحطم معنوي وحسي
الله يعين
الضعف والانهزام يولد التطور والطموح